愛茶 (已結業)

今日去尖沙咀行街，咁啱行过呢间茶饮店，入去睇吓佢个menu，原来呢间系英记茶庄旗下嘅茶饮店，所以都几多唔同嘅中国茶饮，今次就试咗鲜果冠军红乌龙同凤梨奶盖大理石试吓。鲜果茶真系好足料，有大量嘅生果喺入面，有西瓜、奇异果、提子、士多啤梨、菠萝同西柚，配合埋红乌龙估唔到又几夹，茶味香浓，d水果又新鲜，有好fresh嘅感觉。凤梨奶盖大理石，原来系菠萝沙冰，加上芝士奶盖，首先先饮上面d芝士奶盖,好香滑同好浓嘅芝士味，之后搅匀同沙冰一齐饮，非常match,酸酸甜甜，劲开胃。