八王子拉麵館 (已結業)

其实我都算系八王子ge粉丝，由佢佐敦开店就一直都有食开，始终难忘佢牛骨汤浓郁味道同大厨ge专业友善态度。自从知道佢执左，都有少少失望，毕竟佢之前旺角间分店失色不少，做唔番佐敦个种味道，太过走向本地化。重开之后朋友邀请下就去左试下，希望可以食番以前个种味道。只可惜，一切都只系我自欺欺人…过往只能回味…都唔敢试新口味，只系食番最经典个两款，点知都中伏…我地食八王子拉面同胡椒风味拉面，八王子拉面用ge系猪颈肉，呢样同以前一样，但以前块肉有用火烧过，表面有微微烧焦ge感觉，减低猪颈肉ge油腻感同增加松软口感。而家个块不单只用水渌过就算，而且仲要冇味…个汤底仲要劲淡味，可以话浓味过清水少少咁多。面质又冇左以前个种口感同挂汤力，煮得又过左火喉，成碗野真系冇优点可以讲…至于胡椒风味拉面，面质一样都系咁差，个汤底不但冇以前个种辣得好过瘾ge浓浓胡椒味，仲要极咸…饮完个汤根本就食唔出其他味。块所谓叉烧仲衰，以前系用日式叉烧，即系肥瘦均匀卷住个种，再系表面烧下，而家就用两片五花腩，但五花腩片系冇味，冇味，冇味架(好重要所以要讲三次)，同只系用水烚过冇分别。烚完都算，明知系五花腩，好心就比多少少调味减低个油