皇室宴會廳

营业中

休息中

迪士尼乐园终于重开了，即刻网上预约带埋仔仔去玩先！今次入园我哋去咗幻想世界内的皇室宴会厅食lunch，因为有人流管制，室内和室外都有一半座位无开放，所以到左食饭时段真系要等好长时间，我哋中午一入园就去等位，如果坐室外位置可以快d，排队时要先登记资料先可以进入餐厅，大人小朋友都需要。朋友有金卡全年证，仲有餐厅套餐买一送一优惠，当然要用埋佢啦！两个餐会收取贵d果个。我哋叫左一份肥牛肉汤拉面，一份米奇寿司及寿司卷套餐，饮可乐和加$12饮Jasmine Tea。Jasmine Tea可以随时叫职员帮手加热水，茶味好香浓，朋友次次都会饮。肥牛肉汤拉面的肥牛都几多，配料有半熟蛋，木耳丝和粟米，汤底够入味，面够林身，唔错。米奇寿司及寿司卷套餐同小朋友一齐食就最啱，蟹柳寿司和卷物都啱小朋友口味，冻冻地的冷面又好开胃，最后食埋香甜的西瓜就够哂饱，米奇饭团内系有蟹子吞拿鱼的，都好好味。