影片
更多
2016-08-29
383 浏览
八王子仲喺油麻地𠮶阵 一个月总会帮衬2, 3次 佢啲拉面好啱我胃口 特别系白汤拉面 面质好好 够咬口比较粗身 啲汤好够味唔会太over 啲猪肉超又厚又嫩好正... 带介绍朋友去食 个个都话几好味.可惜旧年突然结业 失望之余喺FB向佢哋查询 佢哋话会再揾铺头重开 仍然满心期待今个月终于收到消息话已经揾到铺位会再开 寻晚衬有时间 叫埋朋友一齐去食 谂住去食返碗久违味道嘅好味拉面！去到发现招牌红纸未撕 入到去铺头比起油麻地铺位细 坐落还好 一睇Menus 得一版仲要得劲少拉面拣 忍唔住开口问staff仲有冇白汤拉面 staff问 之前有冇喺油麻地食过？Staff就介绍个Menus边只系牛骨汤边只系猪骨汤 仲狂推介素食拉面！最后我同朋友各人分别嗌咗一碗牛骨一碗猪骨汤底拉面 再加牛舌粒 (以后牛舌粒八王子整得好好味 好嫩好juicy) Order完大家都好紧张会唔会有以前水准...牛舌粒先到 份量明显比之前少好多 一试... Shit 又干又un 完全唔好食... 食完牛舌粒 我哋你眼望我眼 已经开始有啲担心... 5分钟后2碗拉面送到 一望碗面 心感情况不妙 个样同以前完全唔同 先饮汤试味 我
八王子仲喺油麻地𠮶阵 一个月总会帮衬2, 3次 佢啲拉面好啱我胃口 特别系白汤拉面 面质好好 够咬口比较粗身 啲汤好够味唔会太over 啲猪肉超又厚又嫩好正... 带介绍朋友去食 个个都话几好味.
可惜旧年突然结业 失望之余喺FB向佢哋查询 佢哋话会再揾铺头重开 仍然满心期待
今个月终于收到消息话已经揾到铺位会再开 寻晚衬有时间 叫埋朋友一齐去食 谂住去食返碗久违味道嘅好味拉面！
去到发现招牌红纸未撕 入到去铺头比起油麻地铺位细 坐落还好 一睇Menus 得一版仲要得劲少拉面拣 忍唔住开口问staff仲有冇白汤拉面 staff问 之前有冇喺油麻地食过？Staff就介绍个Menus边只系牛骨汤边只系猪骨汤 仲狂推介素食拉面！最后我同朋友各人分别嗌咗一碗牛骨一碗猪骨汤底拉面 再加牛舌粒 (以后牛舌粒八王子整得好好味 好嫩好juicy) Order完大家都好紧张会唔会有以前水准...
牛舌粒先到 份量明显比之前少好多 一试... Shit 又干又un 完全唔好食... 食完牛舌粒 我哋你眼望我眼 已经开始有啲担心... 5分钟后2碗拉面送到 一望碗面 心感情况不妙 个样同以前完全唔同 先饮汤试味 我先饮朋友碗牛骨 顶 咸到完全冇牛骨味 超味精 心谂咩料？！点解咁样？再试自己𠮶碗 OMG 我𠮶碗猪骨比朋友𠮶碗咸多一倍 味精味劲到阿妈都会叫你唔好食...2碗拉面用嘅面唔同之前不特止 朋友𠮶碗啲面系白色嘅 就好似上海幼面咁 我𠮶碗系出面食food court cheap cheap拉面𠮶种黄面 OH... 到于啲配料... 唉 啲肉又干又硬 都唔知食紧乜！以前铺头有任落炸蒜 开口问系冇提供架 仲谂住加啲炸蒜食快啲 平衡下个味道 点知佢话得生蒜蓉！唉 唯有照要啦！啲Staff好勤咁帮啲客加水 可能佢哋都知个汤底有料到...
食完呢餐又失望又难食又唔抵嘅八王子之后 我直觉觉得已经唔系原本老板同师傅经营 可能卖咗个名俾其他人用八王子呢个名继续经营 也许连材料供应商都转晒 根本就唔系原本嘅八王子 唉！咁难得揾到间啱自己口味嘅拉面铺 重开之后竟然面目全非... 真系超级失望！！！
如果各位之前有喺油麻地铺食过 觉得好味 但又唔信邪想再试 想重拾当日美味嘅你 去完新铺不防分享下食后感 我都想知道其他人食完有咩comments!
八王子拉面 + 浓厚豚骨拉面
$75
50 浏览
0 赞好
0 留言
张贴
