施心畢老撾餐廳

营业中

休息中

今日系我地蔬菜花果四人组出动揾食嘅日子。重阳登高消耗不少体力，系时候补充一下。今次加埋两位食得嘅老人家，应该可试多几款菜式。今次系食老挝菜，香港比较少。地方唔大，环境算唔错。看菜单好似越南或泰国的菜式。先嚟烧鱼。Openrice有优惠。味道不错，鱼亦大条，配带少少酸味嘅汁带出鱼鲜味。并盘有春卷，纸米卷，虾饼等。炸嘢有水准，香口亦脆。招牌是拉差鸡翼，带少辣，甜味，适合送酒。可惜这里唔卖酒。酸肉肠好有特色。海鲜簿饼饼底似可丽饼。有虾，蚬肉，墨鱼丸等。椰汁鸡肉汤米，椰汁味香浓，鸡肉够滑。猪肉炒饭饭似饭焦猪肉烧得香口，仲有只煎蛋。炸嘢算系呢间餐厅出色嘅，另外每样嘢份量亦大，适合一班人分享。因为嚟之前系另一处饮咗嘢，所以只有老人家饮咗杯咖啡，不过不失。大家都觉得食得满足，虽然炸嘢多可能会上火！