影片
更多
2023-05-20
6007 浏览
一连几日复活节假期，一家人开开心心去到海洋公园水上乐园游玩。当然不少得到附近酒店住一晚和食自助餐。相信用呢个价钱食嘅自助餐，估计都应该唔会差。入到去餐厅里面，感觉非常新净及舒适，隐约之间有少少南亚嘅风味，不过外在硬件就有，要有埋内涵先至紧要。一般有嘅长脚蟹佢都有，平平无奇，而且论大细同论补充速度都极需要改善。场内并无提供生蚝外，而且比较偏向熟食海鲜，始终生海鲜要好有信心先做到个鲜字，做得唔好见报都有份。基本放题有嘅日式标准配置，师傅睇心情切大细多少，见前头个靓女就明白晒。不过都系个句，呢款嘢都系试咗就够啦，无需贪多。至于炸物相对鱼生寿司好少少，所以其他人都会攞，不过都系𠮶句，补充速度要改善。又系自助餐常见嘅咖喱，不过就无我钟意嘅印度咖喱。由于熟食较多，我都唔一一影相。而较为好食嘅牛仔骨炒面，我就唔放上嚟，因为影左几次都影系得一只或者系吉盘，无谓啦。至于呢个车仔面档，佢啲丸系几好食，可以生菜加啲丸食多一次都得。值得赞嘅就系佢嘅甜品做得系比较多款式同埋比较出色，由于佢嘅款式都比较多，我就冇放晒上嚟啦。我就觉钟意放喺玻璃柜入边，细细件𠮶啲芝士蛋糕。喺成个食自助餐嘅过程里面，由于人手不足嘅关系
入到去餐厅里面，感觉非常新净及舒适，隐约之间有少少南亚嘅风味，不过外在硬件就有，要有埋内涵先至紧要。
一般有嘅长脚蟹佢都有，平平无奇，而且论大细同论补充速度都极需要改善。场内并无提供生蚝外，而且比较偏向熟食海鲜，始终生海鲜要好有信心先做到个鲜字，做得唔好见报都有份。
基本放题有嘅日式标准配置，师傅睇心情切大细多少，见前头个靓女就明白晒。不过都系个句，呢款嘢都系试咗就够啦，无需贪多。至于炸物相对鱼生寿司好少少，所以其他人都会攞，不过都系𠮶句，补充速度要改善。
又系自助餐常见嘅咖喱，不过就无我钟意嘅印度咖喱。
由于熟食较多，我都唔一一影相。而较为好食嘅牛仔骨炒面，我就唔放上嚟，因为影左几次都影系得一只或者系吉盘，无谓啦。
至于呢个车仔面档，佢啲丸系几好食，可以生菜加啲丸食多一次都得。
值得赞嘅就系佢嘅甜品做得系比较多款式同埋比较出色，由于佢嘅款式都比较多，我就冇放晒上嚟啦。我就觉钟意放喺玻璃柜入边，细细件𠮶啲芝士蛋糕。
喺成个食自助餐嘅过程里面，由于人手不足嘅关系，连收碟都需要自助。
另外我亦都有食佢嘅自助早餐，情况亦都系非常之唔够人，有时见佢咁辛苦，自己走去吧枱度直接问佢攞杯热水，原来先知规矩系要同返啲职员讲，叫佢哋要同个吧枱讲要攞杯热水。咁为咗你安全起见唔好渌亲，周围揾个侍应嚟帮手都应该嘅，系咪？
张贴
