美味餃子店 (已搬遷) 新店位置

已经唔记得系第几次黎美味饺子店了。以前住大角咀，放工会过去买一碗先返屋企，但通常已经冇晒最好味嘅白菜饺。而家喺附近返工，lunch hour可以去食一碗，叫个白菜椰菜双拼真系一大乐事! 铺头冇咩选择，得三款饺子：白菜、韮菜、同埋椰菜木耳。做法一系跟汤一系煎，但两只做法都好好食！汤系真才实料煲嘅野葛菜鱼汤，入口鲜味，但有时可能太多人，新熬好的汤未够入味，建议过了午饭时间先去，汤会再浓再鲜味d。煎饺方面亦出色，两边煎得香脆，咬落亦十分juicy! 其实个人觉得成间铺做得最出色的是那个自制的蒜蓉豆豉辣椒酱！ 不会过辣，属于香辣那种，加少许豉油同醋，配上皮薄馅靓嘅饺子，每一口都是满足! 至于堂食同服务，就不要期望过高，多数都要搭枱～搬左新铺后，座位稍为阔落左。