影片
更多
2018-11-10
1086 浏览
虽然入秋，老婆话好耐未行过山，所以，趁个周末，简简单单拣条唔难嘅山径，就行吓川龙啦。行完山，弃小巴，改搭巴士51号落番荃湾西站，因为荃湾广场、湾景广场、大坝街……等等，大把食肆供选择，之后，我哋搭番西铁返美孚又快。本来打算再翻兜大会堂嘅「牧羊小年」，正晌西铁巴士总站行过去时，途经「Italian Tomato Café」，发觉好耐无帮衬过佢，亦怀念佢啲蛋糕，故改晌呢处食午餐。就晌门口外摆设多款食物模型，好有80年代一种典型日式西餐厅嘅感觉。甫入内，以为餐厅嘅环境唔大，但由于呈U形，转向另一边仲有好多用餐嘅地方。而以啡色为主调，印象最深喺通道十分阔落，墙上挂咗少少食物照作点缀，感觉写意。 一大本餐牌放晌枱上，但未有深入研究，转眼就将焦点摆晌午餐一版度。午餐一共有7款，定价$64-$138，已包咖啡或茶及精选餐汤，亦有其他加配或升级优惠。午餐可加$18转特饮，咁究竟边啲喺特饮，睇以下个饮品餐牌就清楚晒。基本餐具早已放晒晌餐枱边，唔使吓吓专登烦店员，费事失事。精选餐汤所谓「精选」，都只喺茶记见惯嘅白汤「忌廉汤」及红汤「罗宋汤」，老实讲，水准只可以话比茶记水平高少少，忌廉汤幼滑无起粉粒，罗宋汤
就晌门口外摆设多款食物模型，好有80年代一种典型日式西餐厅嘅感觉。
甫入内，以为餐厅嘅环境唔大，但由于呈U形，转向另一边仲有好多用餐嘅地方。而以啡色为主调，印象最深喺通道十分阔落，墙上挂咗少少食物照作点缀，感觉写意。
一大本餐牌放晌枱上，但未有深入研究，转眼就将焦点摆晌午餐一版度。午餐一共有7款，定价$64-$138，已包咖啡或茶及精选餐汤，亦有其他加配或升级优惠。
午餐可加$18转特饮，咁究竟边啲喺特饮，睇以下个饮品餐牌就清楚晒。
基本餐具早已放晒晌餐枱边，唔使吓吓专登烦店员，费事失事。
精选餐汤所谓「精选」，都只喺茶记见惯嘅白汤「忌廉汤」及红汤「罗宋汤」，老实讲，水准只可以话比茶记水平高少少，忌廉汤幼滑无起粉粒，罗宋汤酸香味十足，但肯定无咩特别感。
黑松露芦笋杂菌忌廉天使面 $78老婆一向跑「素」，所以，呢道天使面就啱晒佢嘞。睇样就已经见到有好多料，芦笋、杂菌堆满晌面条之内，啲芦笋又嫩㖞，杂菌有菌香，难得天使面入口滑溜，无煮过腍，黑松露忌廉汁底亦散发出阵阵幽香，质感啱啱好，令每炷天使面都挂满汁。
黑松露芦笋杂菌忌廉天使面
$78
45 浏览
0 赞好
0 留言
芝士南瓜蘑菇虾肉蟹肉忌廉焗饭 $80小弟就拣焗饭，纯粹贪佢有蟹肉呢个元素。饭份量不少，衬上南瓜酱、芝士，又焗得一身金黄。由于新鲜焗制，入口非常热辣，饭底虽然唔喺炒饭，但混上南瓜酱，软绵清甜；大虾大概有4、5只左右，入口极为爽弹，蘑菇亦食得出喺新鲜货，唔喺罐头嘢，不过，蟹肉就得好少，食嚟食去都唔觉。
芝士南瓜蘑菇虾肉蟹肉忌廉焗饭
$80
45 浏览
0 赞好
0 留言
热榛子朱古力咖啡 +$18老婆都喜欢久唔久叹吓咖啡，不过，佢就较钟意中庸少少嘅朱古力咖啡。卖相虽然无一般拉花咁靓仔，但味道确喺唔差，榛子香味、朱古力味、咖啡味都算喺做到平衡，唔会某一种味道太抢。
招牌热咖啡我就简单啲，拣杯招牌咖啡就可以喇，一来唔使加钱，二来叫得「招牌」咪睇佢有几招牌啰，哈哈！即磨咖啡送上枱时，确喺有阵阵咖啡香气，牛奶亦有座热过，呷一口，真心觉得醇香。
题外话，近排成日提及「走塑」，餐厅都有响应，拣冻饮嘅话，都唔会主动提供胶饮管，呢个运动值得支持。
晌近门口嘅蛋糕柜，有廿多款件装蛋糕，琳瑯满目，各有特色，喺一入门口好抢眼球焦点，况且，「Italian Tomato」出名嘅喺佢哋啲蛋糕，尤其喺佢哋嘅皇牌士多啤梨蛋糕。定价$34-$48，但跟餐加$29就可以配一件，绝对谂得过。
北海道南瓜批 +$29蛋糕款式实在太多，样样都想试，焦糖香蕉挞、栗子苹果挞、法国海盐焦糖纯米蛋糕、日本紫蕃薯蛋糕呢几款更喺心水中嘅心水，不过，知道老婆更钟意南瓜，最后决定拣「北海道南瓜批」，最欣赏喺佢哋每款蛋糕都有幅好靓嘅小插画，而且，更有详细介绍。
单喺睇卖相已经好赏心悦目，以北海道南瓜入馔，下层做成柔滑嘅慕丝，面层做成软绵绵嘅南瓜蓉，清甜无比；中间仲夹有朱古力蛋糕及海绵蛋糕，并配以牛油挞壳，以及装饰得嚟好好食嘅糖渍粟子，唯一挑剔位喺挞壳未够脆身。不过，以正价$36呢个价钱，喺性价比极高嘅出品。
北海道南瓜批
$36
52 浏览
0 赞好
0 留言
张贴
