天山小館 (已結業)

新彊菜对我来讲都几特别，从来未食过，网上睇新彊旅游vlog就睇得多。朋友系羊肉高度爱好者，呢间差唔多饭堂咁。我同埋其他两个朋友都几怕羊膻味，佢话啲羊唔膻，再加埋新彊独特嘅香料，食完只会想encore，膻味系咩都唔会记得。老板娘睇得出系好有异国风嘅新彊人，全晚都好热情。我朋友成日来食，同老板都好熟。食物真系几好食，大量皮牙子（新彊话洋葱），孜然其实唔系味味菜都有，手抓羊肉就俾咗碟仔孜然自己加，食几多加几多，都几特别。