丼瀛 (已結業)

🍣丼瀛特上筑地寿司杯: 真系一个全新嘅体验, 真系未试过一杯杯咁样食寿司, 外观已经觉得佢劲靓。有7款寿司, 有赤牡丹虾、三文鱼腩、三文鱼籽、时令鱼、芥末八爪鱼、葱吞拿鱼腩、帆立贝、松叶蟹二本爪、海胆！非常之新鲜, 虾非常鲜甜, 三文鱼籽粒粒完整分明。呢个食法唯一唔好处就系我净系想食刺身而唔想食饭, 所以我就将啲饭俾晒我男朋友食, 哈哈。🎡串炸摩天轮: 摩天轮相信系好多女仔觉得好浪漫嘅事, 不过我唔太girly, 将炸物放喺摩天轮反而几合我嘅性格。所有炸物都炸到香脆而且热辣辣, 即叫即炸一啲都唔失礼。有七款炸物, 每款有两件。 有吉列广岛蚝、天妇罗、忌廉蟹肉薯饼、蟹钳、炸鹌鹑蛋、脆炸流心粟米饼、牛肉薯饼！🦪日本广岛生蚝: 多数会食澳洲或者欧洲嘅生蚝，日本蚝通常用来做熟食, 但今次就是吃日本嘅广岛蚝。非常新鲜, 虽然唔算好大只, 但系就够晒鲜味。唔算好咸同埋够晒海水。店员介绍有除左落柠檬嘅另一种食法, 佢附上另一种酱汁, 但我都系觉得食生蚝一定要加柠檬汁。🦐烧大虾头: 真系好大只好大只！虾甜甜地, 几爽口弹牙, 冇因为烧而干哂水, 仲有少少汁正！