探花 (已結業)

同爸爸妈妈晏昼饮茶，大家都觉得啲点心唔错，但系有啲贵因为每一样点心都系得两件，呢个价钱就算系三件点心都偏高。讲起价钱就真系要提一提佢哋嘅服务态度唔成正比，我坐佢哋𠮶啲梳化度开头坐都觉得湿湿地，坐咗一段时间就觉得有啲唔对路，因为真系觉得条裤湿晒，坐去隔离个位摸返原先坐个位就发觉原来真系湿嘅，仲要系好湿𠮶只。我叫个经理过嚟，同佢讲话佢将梳化度湿晒好似有人到咗杯水落去咁，佢就笑笑口咁同我讲话佢哋开舖之前抹过梳化所以系咁，完全冇歉意个咀脸俾我仲有少少嘲笑嘅感觉，跟住佢就走咗喇。呢间野初初开𠮶阵啲服务态度都唔系咁，虽然唔系开咗好耐但系已经好大退步，所以我比呢间野个评分咁低。