億饍 (已結業)

虽然迟左两日，不过都要趁呢个热潮同老友一齐屠龙，今日约埋老友两个人收工到信和一齐攞之前订左嘅GAME顺便买埋呢期热爆嘅GAME，之后一齐行去油麻地揾食，经过誉发广场时睇到呢度开左一间多国嘅FUSION菜店，除左有老友好钟意食嘅越南菜式外，仲有我最爱嘅龙虾食，所以我地就决定去呢间亿饍刷返餐。亿饍系誉发广场4楼 ，餐厅装修嘅有西餐厅感觉，桌椅又似中式私房菜馆，餐厅唔大间，我地7点半左右到虽然唔驶等位，不过客人都几多。菜单设计简约，但菜式选择非常多，除左东南亚菜式、中菜，另外仲有炖汤选择。我地点左$328嘅龙虾孖宝，跟餐拣左咖哩牛筋腩，两个人应该够食，不过见到隔离枱嘅虾饼好吸引，我地都忌唔住点左一份。泰式鲜炸虾饼($68)呢个炸虾饼好弹牙，而且外层香脆，沾上泰式辣酱非常惹味，而且$68咁大份，性价比都几高。龙虾孖宝($328)避风塘野生辣龙虾野生龙虾我地拣左少辣，配合避风塘制法，咸香之中带点微辣，非常美味，而且野生龙虾特别有弹性，入口鲜甜爽弹，我地两个都食得好滋味。咖哩牛筋腩煲牛筋份量好多，咖哩唔会太辣，配油饭食味道好配。油饭($18)埋单每位$230，价钱合理。