好正

营业中

休息中

放工买野，行左条新路返屋企，就见到间"好正"，d野食各式各样都有，有饭、有面、有小食，横掂都系要买宵夜就拣左佢不得不赞，佢嘅外卖包装好有诚意，唔漏系基本，佢将冻、热分开放都系基本，餐厅好贴心，用保温袋放，喺咁冻嘅天气，经过大半个钟头嘅车程，返到屋企，冻嘅依然冻，热嘅都仲系暖嘅，好用心⭐胡椒鸡脚汤（小）除左鸡脚，仲有猪肚同花生，饮落啖汤，一入口清清地，吞左啖汤之后有后劲，胡椒味好出，猪肚好淋，仲好入味添，咬落啖啖都系胡椒味，鸡脚唔会煲到散晒，仲好爽口，正呀👍⭐碗仔翅够杰身，真材实料，除左平时食开有嘅料之外，仲有虫草花、干瑶柱、金华火腿，虫草花丰富左个口味、干瑶柱提鲜、金华火腿多左d咸香，正呀😋，本身就已好够味，唔洗再额外加调味，食落仲有少少辣添⭐️豉油王煎肠粉肠粉煎得好香脆，仲有d芝麻香，职员好细心除左个面落左d甜酱，连个底都有，唔怕食到落底冇酱，肠粉食落甜甜😋⭐鱼蛋烧卖各5粒虽然鱼蛋同烧卖都系d普通嘅野食，但系又唔系间间铺头入嘅货都好食，li间鱼蛋弹牙，烧卖有咬口，两只都系我钟意嘅口味，个面仲放左d辣酱，加埋一齐食好正，唔系死辣，食落好香😍⭐️牛油果香蕉燕麦奶昔第一啖入口就饮到好香嘅香蕉味