影片
更多
2020-09-28
237 浏览
一行四人12点就入座，唔知系咪因为疫情关系控制成本，闲日黎帮衬成间铺头既灯只系开左好少部份，好暗（由开始入座到走果时都系）。入埸系收银柜台已经要讲嗌咩汤底，我地拣左Plan B 90分钟。拣完汤底之后俾左张纸上面有QR CODE ，手机SCAN落ORDER嗌野食。然后叫我地自己行入去到尽窗口位果张？？？成间铺头得入口果个店员无人带位，又系控制成本关系？最大问题系直入到尽果张台系二人台，又要走返出去问其实系边张先再叫我地直入到尽之后转右果张四人台。都算，小问题。坐底之后汤底好快黎到，咁就scan qr code落order，点知落唔到order, 由于无其他店员既关系，又要走返出去问入口果位，佢话一阵过黎帮我地。最后佢解释因为佢地电脑系统有问题，要拎我地部电话去俾佢地IT同事睇，佢就话叫厨房同事拎D野食俾我地先😂（佢无问过我地想食d咩，然后就黎左一碟牛板睷同两碟猪肉片加其他三碟野食，最后我地因为另外果几碟唔岩食就麻烦佢同事讲返岩岩唔系我地order我地无落过筷子所以想佢地收返入厨房费事浪费）搞左15分钟终于搞店可以用自己手机order, 咁当然嗌返d自己钟意食既野啦。讲返野食先，汤底拣左
入埸系收银柜台已经要讲嗌咩汤底，我地拣左Plan B 90分钟。拣完汤底之后俾左张纸上面有QR CODE ，手机SCAN落ORDER嗌野食。然后叫我地自己行入去到尽窗口位果张？？？成间铺头得入口果个店员无人带位，又系控制成本关系？最大问题系直入到尽果张台系二人台，又要走返出去问其实系边张先再叫我地直入到尽之后转右果张四人台。都算，小问题。
坐底之后汤底好快黎到，咁就scan qr code落order，点知落唔到order, 由于无其他店员既关系，又要走返出去问入口果位，佢话一阵过黎帮我地。最后佢解释因为佢地电脑系统有问题，要拎我地部电话去俾佢地IT同事睇，佢就话叫厨房同事拎D野食俾我地先😂（佢无问过我地想食d咩，然后就黎左一碟牛板睷同两碟猪肉片加其他三碟野食，最后我地因为另外果几碟唔岩食就麻烦佢同事讲返岩岩唔系我地order我地无落过筷子所以想佢地收返入厨房费事浪费）
搞左15分钟终于搞店可以用自己手机order, 咁当然嗌返d自己钟意食既野啦。
讲返野食先，汤底拣左潮汕汤底，煲入面见到有大地鱼，成个汤好甜，用黎渌牛肉同海鲜真系好好味，加上我地放左好多蛙蛙菜落去，成个汤更加甜。
边炉料质素唔错，plan b 有三款牛肉，牛板腱有咬口肉味唔错；封门柳比较淰但肉味最重，个人最钟意呢款；最后一款安格斯牛就麻麻地。
D滑就正常水准，墨鱼汤都弹牙重味，但好似食唔到有墨鱼粒既口感。脆鮠骨腩就第一round 脆但第二round唔够脆，不过都好食。饺类就食左韮菜饺同芹菜饺，两款都足料唔会话好大块皮入面无料。虾都新鲜，而且会俾到足份量。唯一好意外既就系牛丸，食落好似本地振x果只浓汤牛骨牛丸，好好食。但系嗌左4粒之后就落唔到order 😰隔离台都系同样情况，最后佢问左店员，店员话无哂货😰岩岩开铺唔够一个钟就....
至于漏单既情况都有，但唔算太严重，因为客人唔多所以佢上菜既速度都快，漏左既话可以再嗌过就会出现。
野饮方面都有四款冷泡茶，但唯一得洛神花茶叫好饮，另外三款都麻麻地。其他都系一般汽水纸包饮品果d.
佢电子系统会由你嗌汤底果一刻开始计时，60分钟之后就唔可以再落order. 由于入座之后落唔到order搞左成15分钟，店员最后都系60分钟之后俾我地落多一转order, 之但系因为都唔够时间食，所以系大约1325果时有店员黎收走哂我地未落既料，话我地都就快够钟食唔哂架喇。😰😰😰
之前帮衬过一锅堂旺角分店，果间分店既装修比荃湾呢间好好多，干净又光猛，服务更加好好多。 荃湾呢间分店感觉上唔系太明白点解会咁full😅
张贴