悅香飯店 (已結業)

我见食评写服务差，但我唔觉㖞。我觉得佢地全部做左几十年既叔伯軰，佢地唔系做得到对住客人笑，0个种机械人模式服务，但我感觉佢地好自然啦！但招呼我地个叔叔就几ok呀。我同老公去食午餐，未试过呢间就试下啦！叫左滑旦虾仁，豉油炒牛肉，生炒腊味糯米饭。本身谂住两个人食三个菜都够晒，不过见到隔离枱既"鸡"好味，所以就再嗌多个例牌香妃鸡。全部野都好好食，滑旦好滑，虾仁又大又爽，牛肉嫩滑，生炒腊味饭好香，腊味好够味，糯米饭唔会硬唔会"mook"，好得！原来都好多人order呢个糯米饭架㖞。至于个香妃鸡，真系好得！我老公食完第一个评语就系;"个鸡真......系好得!" 先讲皮-----脆, 皮与肉之间-----0者喱状薄薄唔肥，肉------嫰滑。总体黎讲份鸡好得，唔肥，又唔会谐！咁样食左四样野都系二百六，都几合理。但其实我地两个人食既四样野系可以四个人食既，个生炒饭都只系食左少少就要包起佢返屋企再食！我推介大家去食呢间老铺呀！