順興茶餐廳

营业中

休息中

今日陪阿妈去大坑观音庙还神搞完一大轮已经2点就谂住喺附近揾间餐厅食嘢医肚。最后喺2点27分入咗呢间餐厅留意到餐厅3点闩门，所以都谂住快快脆食完闪水。落单𠮶阵店员表示好多嘢都卖晒水吧都收咗半个档，所以热饮冻饮有一啲都已无了最后大概系32分落单，食物好快已经喺40分嚟到。食嘅期间店员不停喺你张枱度拎嘢拎餐具拎辣椒油又周围抹嘢俾人感觉系想你快啲走你阻住佢收工小妹嗌咗个猪扒饭，食完啲猪扒谂住饮啖野再食多两啖饭𠮶头饮嘢𠮶头成碟饭问都冇问过我就已经俾人收咗我真系呆左自问都已经食得好快因为都知道餐厅就快收工但系收嘢之前问吓我都得啩？之后店员再嚟收碟阿妈同佢讲岩先我碟饭未食完店员就话「唔好意思，咁使唔使俾返啖饭你？」态度好到加零一👍🏻另外小妹跟餐嗌咗杯热朱古力杯嘢真系苦过弟弟似系净系开咗啲朱古力粉冇加任何奶花奶糖就系一杯朱古力粉水饮咗两啖真系饮不下去最后我哋喺52分离开餐厅。小妹冇影到相，因为真系赶到㩒电话嘅时间都冇。。完。