殷悅

营业中

休息中

今日中午同同事到殷悦饮茶，食咗好多新点心同埋试咗好多甜品，坐低一阵开壶人参乌龙茶，估唔到饮落几香想一饮再饮，点餐过程都算顺利，服务员态度几好，加单同添水好快手。潮州粉粿有芫茜嘅香味，又唔会抢晒味，仲有少少虾米味，几好食。紫菜蟹柳卷的话，紫菜同蟹柳的味道几夹，钟意食蟹柳嘅不妨一试。流心奶黄熊猫包就好香奶黄味，外形十分可爱得意，又味道又有外形。金银蛋肉丝粥，粥底唔错，再足料少少会好啲。亁炒鸡丝银针粉，够晒锅气，味道唔错。甜品方面，亦试咗好多款。万寿椰香果酸酸甜甜，好开胃。黄金马蹄条，松脆外层，加上糕条含有马啼肉，吃落口感丰富。怀旧芝麻卷软软糯糯，好香芝麻味，推介。