影片
更多
2021-05-25
878 浏览
上星期日夜晚过黎小曼谷买外卖，已经帮趁过好多次，都系因为佢算平，同埋味道唔算太差，所以再encore。今次叫生虾、柚子虾沙律、咖哩鸡同芒果糯米饭，落单时顺口问一问收银阿姐，黄咖哩定绿咖哩冇咁辣，因为我地唔系好食得太辣，点知佢突然变脸，话「咁样帮唔到你做wo」(态度好寸!)我打左个突，连呢个问题都唔答?不过我费事嘈，就话之前有叫过，不过唔系好记得边只辣D，点知佢居然再话「你自己食过边只都唔记得架咩?」我真系大开眼界，不过都冇同佢嘈，但其实之前呢位收银阿姐已经试过教训我，个次我叫左个咖哩，但唔知原来跟白饭，就叫多左个白饭，到佢覆单我先知本身已经有，就叫佢cancel 个白饭，点知佢又即刻叫我谂清楚先好黎叫野，上次已经忍佢，今次真系觉得佢太冇礼貌，少少事已经咁样对客人，系咪多人食就大哂?不过讲返食物质素啦，生虾一如以往系新鲜既，柚子虾沙律得两只好细粒既虾(唔抵)咖哩鸡呢，D鸡肉5只手指数得哂，不过都叫做好过咖哩牛少少，佢咖哩牛系牛肉片，一D都唔夹!咖喱汁本身又好稀，而芒果糯米饭，真系睇运气，今次芒果劲酸。都系个句啦，呢间餐厅胜在叫平民价钱，食物质素都唔好太高期望，但收银名姐服务态度真系超差!
已经帮趁过好多次，
都系因为佢算平，同埋味道唔算太差，所以再encore。
今次叫生虾、柚子虾沙律、咖哩鸡同芒果糯米饭，
落单时顺口问一问收银阿姐，
黄咖哩定绿咖哩冇咁辣，
因为我地唔系好食得太辣，
点知佢突然变脸，话「咁样帮唔到你做wo」(态度好寸!)
我打左个突，连呢个问题都唔答?
不过我费事嘈，就话之前有叫过，不过唔系好记得边只辣D，
点知佢居然再话「你自己食过边只都唔记得架咩?」
我真系大开眼界，不过都冇同佢嘈，
但其实之前呢位收银阿姐已经试过教训我，
个次我叫左个咖哩，但唔知原来跟白饭，就叫多左个白饭，
到佢覆单我先知本身已经有，就叫佢cancel 个白饭，
点知佢又即刻叫我谂清楚先好黎叫野，
上次已经忍佢，今次真系觉得佢太冇礼貌，
少少事已经咁样对客人，
系咪多人食就大哂?
不过讲返食物质素啦，
生虾一如以往系新鲜既，
柚子虾沙律得两只好细粒既虾(唔抵)
咖哩鸡呢，D鸡肉5只手指数得哂，不过都叫做好过咖哩牛少少，
佢咖哩牛系牛肉片，一D都唔夹!
咖喱汁本身又好稀，
而芒果糯米饭，真系睇运气，
今次芒果劲酸。
都系个句啦，呢间餐厅胜在叫平民价钱，
食物质素都唔好太高期望，
但收银名姐服务态度真系超差!
张贴