吉壽日本料理 (已結業)

难得呢日同阿妈想食日本野，我紧系上网做足功课，见到吉寿呢间几岩budget，又好似几出名咁，加上地点系旺角够晒方便，于是就book位一试。餐厅装修都算新净，座位都几宽落，自助区有章鱼小丸子，炸鸡，甜品，螺肉，中汤，雪糕，各种饮品，应有尽有。未开始食已经觉得回本。哈哈！烧菠萝呢个系我妈最爱，酸酸甜甜真系好开胃，正！刺生北海道带子又大又鲜甜，仲有甜虾，海虾都好新鲜。绝对值得一试再试。盐烧海虾烧完都唔会好干，肉质依然juicy。铁板大赤虾虾肉新鲜，呢款味道更浓。黑松露赤虾同赤贝寿司两款味道都ok,而且细细件，食多几款都唔怕撑住个胃。黄金焗带子味道酸酸甜甜，带子新鲜，食多几粒都唔觉腻。手卷Size超迷你，唔系间间放题都有海胆， 值得一试。无论食物质素，环境，服务，各样都超值，下次一定再来。