Le Colonial

营业中

休息中

Happy Friday ~~放工之后同朋友行下街，食个饭，chill 下~铜锣湾名店坊呢条食街，好多餐厅既选择，8点左右到，大部分都八九成满。行左圈决定试下呢间之前好多人出 posts 既越南菜。由于 outdoor 的位置满左，所以就到入面坐。空间比较细，有啲局促。楼底矮，加上旁边两枱客声浪比较大，所以都几嘈吵。两个人唔太饿，只系点左两样野食。先黎系 Saigon Platter，有柚子沙律，春卷，炸鱿鱼，炸鸡翼，䉀虾。每样都做得唔错，两个人食就刚好。另外点了 Beef Pho，生牛肉，牛丸，牛腩，牛筋都唔错，但最好食系牛舌。汤底虽然系深色，但就偏清淡。不过份量都唔少，够两个人食。另外叫左个椰青，都几大个，多水又鲜甜。整体黎讲，食物都唔错，但系建议坐 outdoor，应该会舒服啲。