Commix Bar

营业中

休息中

经过赫德道想食d野同饮酒吹吓水，望落呢间都好似唔错，就入去试吓。我地叫咗几款野食，真系唔错，劲好味。炸鱼薯条鱼柳外面果层吉烈外皮炸得好干身，一d都唔油腻，而入面d鱼肉劲嫩滑，点埋沙律酱一流，炸薯条已经落咗调味，都几好味，唔错。蟹肉烩意粉d意粉好烟韧，唔会overcook,劲多蟹肉同蟹子，配埋意粉食落好鲜味，非常好食。蒜蓉辣鸡翼上面铺满劲多蒜蓉同辣椒,所以一上枱已经闻到劲香，鸡翼外面炸到脆卜卜，而入面仲好嫩滑，鸡翼腌得非常好味，加埋d蒜蓉食落劲惹味。Peach Paradise系呢间bar嘅signature drink,又真系唔错，甜甜地好易入口，好香桃味，劲大杯，够晒份量。Fruit Punch饮落好重果味，橙味系最特出，酸酸甜甜，劲开胃。店员话每个星期六都有event,平日夜晚都会有live band，下次又再黎感受吓气氛。