NN Coffee & Gin (裝修中)

朋友无啦啦约食饭，完全无为意食咩就去左，点知去到好惊喜。一入到去已经觉得装修劲女仔好啱打卡，原来餐厅入面仲有几间房系用黎学跳舞/空中瑜伽。我同朋友叫左3个野食+2杯饮品，3个野食都好好味，但见到2杯饮品真系哗哗声，靓到呢，虽然2杯都系cocktail, 但其实无咩酒味劲易入口，杯Around the world偏甜但系都OK。可能真系太新夜晚无咩人，可以同朋友静静地倾偈好好。另外店员哥哥好有礼貌。本身想试Tiramisu但好可惜卖哂，下次要再黎试埋其他coccktail!呢个鸡翼真心好食, 外面个皮好脆, 入面啲肉好嫰, 个汁少少辣好惹味意粉个带子好滑个猪整得好好, 一啲都唔"鞋"，但个人觉得个蕃薯好好食，外面脆脆地但里面好甜~