影片
更多
2022-08-18
451 浏览
环境、食物及服务态度麻麻。名过其实，唔值得回头！见网上有啲正评，印象中呢间老字号，都不会差。环境不过不失，座位都算正正常常。应该系走中高档路线，但比较嘈吵，并地面有啲黐立立，少少扣分。有京、粤、川菜，选择唔错，上菜速度正常。不过水准退步咗啲。鸡丝粉皮，鸡丝绝少，唔系丝，系粗条状多，我自问刀功可能唔差过佢地。花生麻酱唔香口。靑瓜丝，得几条。当然，会叫小笼包，但醋连姜丝欠奉，真系诚意欠奉啦！以上一般京菜代表，在另一啲食馆好食过呢间。粤式点心，蒸饺及粉果皮不簿馅不多。肠粉啲叉烧比较干柴柴，个豉油应该系灵魂，但调得唔系咁好味！保持食物质素嘅，系叫客人口腹满意，才赚到口碑。不过服务态度好定差，令客人心中感觉好定坏，更加绝对系顾客回头的原因！明白嘅⋯间间食肆都系90分钟时限，呢个大家通常会合作，唔阻你做生意，这时限亦只系用嚟防止太离谱的顾客，唔系死规则！但金公馆的职员，由门口、领枱至埋单的员工，好似惩教署职员咁黑口黑面，严肃管制。一入门口，已板起块面咁讲记得90分钟交枱。到差不多时间（其实应该系尚有10分钟），便冷酷咁问：如果冇嘢再嗌嘅，就唔该而家买单！我哋谂住商量吓再讲，就立即说够钟啦！期间态度
见网上有啲正评，印象中呢间老字号，都不会差。
环境不过不失，座位都算正正常常。应该系走中高档路线，但比较嘈吵，并地面有啲黐立立，少少扣分。
有京、粤、川菜，选择唔错，上菜速度正常。不过水准退步咗啲。鸡丝粉皮，鸡丝绝少，唔系丝，系粗条状多，我自问刀功可能唔差过佢地。花生麻酱唔香口。靑瓜丝，得几条。
当然，会叫小笼包，但醋连姜丝欠奉，真系诚意欠奉啦！
以上一般京菜代表，在另一啲食馆好食过呢间。
粤式点心，蒸饺及粉果皮不簿馅不多。肠粉啲叉烧比较干柴柴，个豉油应该系灵魂，但调得唔系咁好味！
保持食物质素嘅，系叫客人口腹满意，才赚到口碑。不过服务态度好定差，令客人心中感觉好定坏，更加绝对系顾客回头的原因！
明白嘅⋯间间食肆都系90分钟时限，呢个大家通常会合作，唔阻你做生意，这时限亦只系用嚟防止太离谱的顾客，唔系死规则！
但金公馆的职员，由门口、领枱至埋单的员工，好似惩教署职员咁黑口黑面，严肃管制。一入门口，已板起块面咁讲记得90分钟交枱。到差不多时间（其实应该系尚有10分钟），便冷酷咁问：如果冇嘢再嗌嘅，就唔该而家买单！我哋谂住商量吓再讲，就立即说够钟啦！期间态度一啲都唔友善，其实有商有量咪得啰！何况我见到好似仲有一啲枱呀！而且我地枱上仲有一两件点心未食哂啊！点知当我哋准备合作地快快食完，才叫埋单嘅时候。那职员已经把账单递过来。由佢提醒到账单放上，全程只系1分钟，使唔使咁有效率呀？通常都大概有5-15分钟宽容位啦！
金公馆，系咪应该改名「谷气馆」！
张贴