金卷食品

营业中

休息中

南丫岛嘅凤凰卷一定要必食必食👍🏻👍🏻👍🏻佢正确嘅名系南丫岛南陵金卷😆😆有肉松同椰丝味，可以散买可以买一盒，价钱都系一样， 咁好食既只系$4件，超抵，好食到停唔到口，点样可以做到超松脆可口呢，其实我都唔系太清楚，佢个皮做到好薄但同时又超脆，好似猪肉纸咁，第一啖咬落去基本上系碎晒，肉松味系包咗肉松同紫菜，椰丝味就剩系得椰丝，馅料绝对唔孤寒，不过肉松会更加香，佢哋每一旧都系全人手，绝对唔会用机器，所以每个款嘅形状都有啲唔同提提你哋，记得记得打去订，因为佢唔系日日都有现成嘅喺度，我系好好彩嚟得合时，如果唔系都食唔到咁正既金卷😆😆😆除左金卷外，佢地仲有卖酱油，都系全人手制造，但一定要尽快食晒佢，因为只可以放到一年左右，话晒都系无添加嘛👍🏻👍🏻，佢有好多只味，有麻辣，特辣，蒜香虾米等，我就拣左蒜香辣椒虾米酱，佢有分细同大樽，细樽都系$28咋，我手上就系细既，虽然我唔食辣，但闻落去有好重既虾米香味，佢既辣椒子同虾米超多，好重料，辣油既油香味都好重，配烧卖粉面一流，屋企人都食到舔舔脷😆😆快啲试下啦💪🏻💪🏻