Osteria 意大利餐廳

营业中

休息中

今次嘅酒店staycation一間房$1250 另加一服日下晝六點，而且已經包左$1250嘅酒店餐飲消費額，再加早餐及行政酒廊使用。由於有食素菜嘅朋友加入，所以晚餐我哋就選擇食意大利菜。乜都唔好講，就係佢個麵包籃都好好食，加上橄欖油同陳醋，只係食呢個包都已經好開心。前菜我哋叫咗炸魷魚鬚、阿枝竹及薯片，炸得好香口，而且我好喜歡佢嗰兩個醬汁，食到後來凍咗都依然美味。呢個芝士拼盤$108真係抵到喊，我鼓喺超級市場買呢啲芝士同配菜，都貴過$108。生牛肉牛肉嘅品質都幾好，但我個人認為上面啲嘢太多，我唔知自己到底係食緊沙律定食緊生牛肉。意大利飯做得都相當唔錯，少少煙銀但都啱香港人胃口。甜品Tiramisu都唔錯，好大份，但相對就比較普通了。餐廳環境舒適，價位合理，雖然因為我哋之前食咗黃昏下午茶食到好飽，都唔係好有胃口食嘢，叫咗唔多野，但都好enjoy。