影片
更多
2024-09-02
5108 浏览
刚刚上次食Wadasumi嘅时候，发现到呢间咁grand嘅餐厅，之后才知道原来系城中其中一个好有名嘅group旗下一间餐厅，幸好有朋友咁啱识人，难得仲可以book间好靓嘅房，真系无原因唔去。前菜有冰沙酸梅圣女果，蒜蓉拍莴笋 ，陈醋啫喱红蜇头，绍兴炸臭豆腐，最难忘系臭豆腐，直逼大班楼嘅水准，其他几个前菜都非常吸引又好食，个人特别爱嘅还有陈醋啫喱红蜇头，配搭好新爽同好开胃。朋友话呢到夜晚都有点心食，而且下午饮茶好似都几推荐，于是点了个小笼包，质素系几好，而且价钱都几吸引，值得下次晏昼嚟饮下茶。云南羊肚菌赤肉炖老火汤真材实料，羊肚菌嘅香令人好难忘，而且佢keep到系好热嘅状态，隔离有个朋友差唔多食完都未饮晒碗汤。度度都有叉烧皇，但呢度嘅叉烧皇都好似沙田18咁，蜜汁火焰豚肉叉烧皇上场个个哗一声，加上玫瑰露后，当然火光红红，而且烧得好香，即场烧完即刻烧俾大家食，绝对系一个打卡嘅菜式。堂蒸香茅基围虾上场个一下，我以为佢又系好似个啲桑拿蒸虾咁，但原来基围虾下面就系有新鲜嘅香茅系底蒸，蒸出来嘅虾刚刚好，最重要系啲虾好靓，点处理都唔会太差啦。肉饼同蟹的确系好少见嘅配搭，黑豚肉饼蒸蟹呢个味道都几令人难忘
刚刚上次食Wadasumi嘅时候，发现到呢间咁grand嘅餐厅，之后才知道原来系城中其中一个好有名嘅group旗下一间餐厅，幸好有朋友咁啱识人，难得仲可以book间好靓嘅房，真系无原因唔去。
前菜有冰沙酸梅圣女果，蒜蓉拍莴笋 ，陈醋啫喱红蜇头，绍兴炸臭豆腐，最难忘系臭豆腐，直逼大班楼嘅水准，其他几个前菜都非常吸引又好食，个人特别爱嘅还有陈醋啫喱红蜇头，配搭好新爽同好开胃。
朋友话呢到夜晚都有点心食，而且下午饮茶好似都几推荐，于是点了个小笼包，质素系几好，而且价钱都几吸引，值得下次晏昼嚟饮下茶。
云南羊肚菌赤肉炖老火汤真材实料，羊肚菌嘅香令人好难忘，而且佢keep到系好热嘅状态，隔离有个朋友差唔多食完都未饮晒碗汤。
度度都有叉烧皇，但呢度嘅叉烧皇都好似沙田18咁，蜜汁火焰豚肉叉烧皇上场个个哗一声，加上玫瑰露后，当然火光红红，而且烧得好香，即场烧完即刻烧俾大家食，绝对系一个打卡嘅菜式。
堂蒸香茅基围虾上场个一下，我以为佢又系好似个啲桑拿蒸虾咁，但原来基围虾下面就系有新鲜嘅香茅系底蒸，蒸出来嘅虾刚刚好，最重要系啲虾好靓，点处理都唔会太差啦。
肉饼同蟹的确系好少见嘅配搭，黑豚肉饼蒸蟹呢个味道都几令人难忘，至少蟹嘅鲜味直接落到个肉饼，送白饼系绝对一流。
金枝秘制牛肉个样几得意，个样完全无谂过系咁，食落去个感觉更好玩，你食下估下佢哋到底系用咩名做呢个秘制牛肉。
好多地方都有虾多士，呢个手工虾多士唔算太油，而且有大大只嘅虾肉，相信都系城中算做都唔错嘅选择，用上劲多嘅芝麻，更加香而且炸得劲脆，爱热气嘅人一定啱食。
劲大碟嘅瑶柱蛋白炒饭 ，不过佢嘅炒饭系比较湿嘅一种，夹埋头先𠮶个黑豚肉蟹饼就超perfect。
当晚要赶时间，太赶只能冲冲见到呢个黄金大煎堆一下，好似继续食，朋友话绝对有老广东酒家的效果，再加碗桂圆莲子炖雪耳，感觉非常完美。
可惜今晚唔可以同朋友倾多啲偈，希望佢婚礼一切顺利，话咁快原来都识咗佢咁多年，下次再食过。
张贴
