美心MX (樂悠居) (已結業)

咸蛋黄热潮真系不死，由最初既炸鱼皮慢慢开始演变出愈黎愈多野食，美心下午茶都食住个势出咗咸蛋黄鸡翼，可以选配黄金蜜糖船、肉丝碗仔素翅、咖哩车仔三宝、鱼肉烧卖或是日汤粉面，加埋杯热奶茶搞掂晒个下午茶☕️我食既时候见佢即落油镬炸起，新鲜热辣所以都够酥脆而且唔会好厚炸粉，不过只鸡翼真系有D发育不良比较奀，未至于干但无咩肉汁可言，面层咸蛋黄酱咸香突出不过唔够均匀；反而个黄金蜜糖船真系出乎意外地好食，拎餐𠮶时已经闻到馥郁蜜糖甜香，包身涂抹牛油蜜糖同砂糖烘至外脆内软，另外再配有蜜糖同牛油自己额外再加，面包质感极之软熟一D都唔干，成个配搭材料好简单但真系会令人意犹未尽，依家系配角唔小心拎咗最佳男主角既情况😂