金燕島潮州酒樓

营业中

休息中

潮州点心午餐星期日三人行去咗尖沙咀饮茶食午饭，都有好几个月冇去过金燕岛，所以特登去食潮州点心。潮州芋丝春卷春卷皮超薄好脆，但系有少少油沾唔够干身，春卷带浓烈芋头香气，芋丝馅好松软香口，比一般广东春卷更加吸引。柱侯牛孖筋牛孖筋落红辣椒吊味牛味道浓郁但唔咸，炆得够腍口感软腍痴牙，老人家好容易食得到。煎笋粿笋粒虾米沙葛组合爽脆够复杂，味道调校精致好味，微微焦香带淡淡笋味加上虾米粒鲜味，味道e支班。鲜虾煎水瓜烙馅料用鲜虾花生韭菜再配水瓜丝口感特别，薯粉浆烟靭有咬口而且一啲都唔糊口，配料及煑法看似简单，但好难整得好食，如果再煎多少少时间就更香口好味。潮州粉果外皮稍为厚大，虾米笋粒花生用料配合恰当，味道稍为较淡，唔够煎潮州笋粿香口好食。糯米卷外皮粉皮够薄细致，糯米入口烟烟韧韧略为过甜，外边酒楼少见到可以尝试当甜品。鱼翅灌汤饺有得睇冇得食！四宝鸡扎鱼肚应该先用高汤喂煑浓郁鲜味超正，鸡肉鸡味稍淡但软嫩多汁，而芋头粉嫩兼吸收汤汁精华由配角变成女主角，鸡扎滋味好食。