金牌小龍 (已結業)

听日准备岀发台北劲食劲玩，临行前想食上海野，所以近近地去咗I square揾食，连接住地铁站绝对系佢嘅一大优势！前菜系上海菜嘅一大卖点，份量适中绝对系开胃嘅必定之选。醉鸡酒香扑鼻、鸡件嫩滑可口，啖啖肉冇骨食落口感扎实。杂锦豆干丝有海带、豆腐干、木耳等调配，每一样配料都各司其职，无论口感同味道上都冇得弹！莴笋含有丰富钾和钙，作为eat clean之友就梗系要叫黎试下啦。虽然调味简单，但食得出非常新鲜。炸排骨即点即制，所以上枱之时仲系热辣辣，揸得香脆，调味亦都唔会太咸，小小孜然粉味令整体更惹味，好食到停唔到🤪麻辣金钱肚系另一道开胃前菜，金钱肚好索味，辣得过瘾，最重要系金钱肚唔会好难咬开，一啖一滋味😋鸡丝粉皮，店员知我花生敏感好贴心咁将酱汁另上，鸡丝同粉皮比例适中，我发现自己真系好钟意食前菜🤣蟹黄小笼包绝对系可以成为呢度嘅招牌菜，价钱非常贴地，但内涵绝对唔孤寒，香浓嘅蟹香味配合蟹肉丝，估佢唔到咁足料。香菇花素蒸饺亦都有惊喜，外皮唔会太厚，卖相非常精致，菇味浓郁、蔬菜亦都新鲜切得够细，真系想一整只摆落口慢慢叹🙌🏻已份量同价钱来讲，呢度嘅性价比真系无得输。味道亦都系水准之上，地点非常就脚，可能因