影片
更多
2021-02-02
1337 浏览
今日收工过左去北角送礼，之后约埋老公一齐去食个 early dinner。记得健康东街有间食清汤腩嘅茶餐厅，谂住过去食碗腩河，嚟到发现原来舖头已经转左手，换上一间门面光鲜嘅冰室。睇过门口餐牌，见除咗冰室常见嘅茶餐、特餐等之外，仲有烧腊饭供应，一于入去试下。我哋点左个烧味大碗饭，一只乳鸽、一碟油菜同一碗净汤濑粉。原只切鸡髀拼油鸡髀饭 ($68)：呢个双髀饭卖相真系超吸引，两大只鸡髀，几乎将成个饭面完全遮盖，气势十足。切鸡髀油亮有光泽，鸡皮薄身香甜，够清爽又唔会油淋淋。鸡肉雪白嫩滑，鸡味浓郁，而且食落完全没有多余嘅脂肪。至于只油鸡髀亦腌得非常入味，鸡皮微爽、富弹性。鸡肉嫩滑结实，入口充满豉油嘅甜香。套餐送老火例汤及咖啡或奶茶，碗莲藕汤真系好正，真材实料，有汤有渣，感觉到无落味精，好饮。另外只红烧石岐乳鸽 ($52) 外形亦相当得睇，乳鸽即叫即炸，件头够大又胀卜卜，上台时热辣辣。外皮劲香脆，而且不滴油，鸽肉嫩滑多汁，配细滑爽口的濑粉 ($16) 吃，既滋味又满足。食完咁多肉，梗系要点返碟白灼油菜 ($20) 中和下，碟菜心灼得啱啱好，碧绿多汁，入口鲜甜无比。临尾加左客下午茶餐：珍宝法兰
记得健康东街有间食清汤腩嘅茶餐厅，谂住过去食碗腩河，嚟到发现原来舖头已经转左手，换上一间门面光鲜嘅冰室。睇过门口餐牌，见除咗冰室常见嘅茶餐、特餐等之外，仲有烧腊饭供应，一于入去试下。
我哋点左个烧味大碗饭，一只乳鸽、一碟油菜同一碗净汤濑粉。
原只切鸡髀拼油鸡髀饭 ($68)：呢个双髀饭卖相真系超吸引，两大只鸡髀，几乎将成个饭面完全遮盖，气势十足。切鸡髀油亮有光泽，鸡皮薄身香甜，够清爽又唔会油淋淋。鸡肉雪白嫩滑，鸡味浓郁，而且食落完全没有多余嘅脂肪。
至于只油鸡髀亦腌得非常入味，鸡皮微爽、富弹性。鸡肉嫩滑结实，入口充满豉油嘅甜香。
套餐送老火例汤及咖啡或奶茶，碗莲藕汤真系好正，真材实料，有汤有渣，感觉到无落味精，好饮。
另外只红烧石岐乳鸽 ($52) 外形亦相当得睇，乳鸽即叫即炸，件头够大又胀卜卜，上台时热辣辣。外皮劲香脆，而且不滴油，鸽肉嫩滑多汁，配细滑爽口的濑粉 ($16) 吃，既滋味又满足。
食完咁多肉，梗系要点返碟白灼油菜 ($20) 中和下，碟菜心灼得啱啱好，碧绿多汁，入口鲜甜无比。
临尾加左客下午茶餐：珍宝法兰西多士 ($33) 做甜品，西多入面抹了花生酱，面头放左块牛油，外皮炸至金黄香脆，切开里面软绵绵，配糖浆吃，更添滋味。以后嚟北角又多个开饭嘅地方。
张贴
