王牌冰室 (友邦香港大樓) (已結業)

去完大酒店，响附近揾食，见到呢间餐厅装修几靓，就入去试下。叫咗个两𩠌套餐，一个啫啫鸡煲，一个姜汁炒芥兰牛肉。啲嘢食未嚟，响柜桶攞餐具，但个柜桶好污糟。啫啫鸡煲嚟到，成个煲有八成系烧肉，得两成系鸡（最衰冇影相），同伙记讲，伙记攞返入厨房加返啲鸡件，正常返。到姜汁炒芥兰牛肉，嚟到个样无问题，但成碟𩠌系无调味，牛肉食得出系有用嘢处理过，所以好松软，但成碟𩠌无味！叫个伙记嚟试食，佢食咗一块牛肉，我问佢：碟𩠌有乜问题？佢话：无... 我再问佢：无乜？佢支吾以对咁答我：无... 味... 不过我哋同佢讲：唔洗再攞入厨房换。我哋只想快啲食完快啲走。经理帮我哋改单，畀咗个八折我哋，折实 $135。隔咗十分钟，餐厅经理过嚟了解事件，佢想知发生乜事。又问啲伙记系唔系无礼貌。我哋对伙记无投诉，只系投诉啲嘢食劲难食。隔咗五分钟，有一碟滑蛋叉烧饭送咗嚟，我哋好意外。原来经理请我哋食，当赔罪。个叉烧蛋饭系正常嘅，所以我哋要求经理收返钱，最后埋单 $155。佢啲食物同个餐厅入面装饰字句最衬：是是旦旦！