影片
更多
2011-06-12
57 浏览
作为呢嘢嘢第一篇食评, 我有必要以客观的态度去讲返我的食评以前系中学的年代的时候, 我就已经听闻过观塘康宁道开咗间椰林阁, 但一直都冇咩机会去试,其后系好多不同的地方试过椰林阁的食物, 都总是觉得不论食物和服务人员的服务水平都好似冇咗𠮶股"Heart" 咁, 死气沉沉,自此之后𠮶几年都冇再去光顾椰林阁呢间餐厅.........隔咗几年后的昨日下午, 我和女友二人啱啱行完APM后出嚟, 正打算揾一间环境比较舒服的餐厅坐下来, 好好的享受著我们的晚餐。于是我就看见了呢间餐厅出现系我面前, 于是我哋就走咗入去了。当我哋到了餐厅正门的时候,发现啲装潢靓咗好多, 灯光好柔和, 而且播著英文歌, 整个气氛都唔错~ 坐低咗之后,我系叫咗order后, 即刻叫咗两杯水俾我哋两个人解渴。我哋叫咗两个地板餐, 虽然价钱都唔平, 但是个卖相亦都几好, 于曷就试下~个套餐的内容如下:头盘:餐包: 非常够热和软熟, 好新鲜, 系我近年来食过最新鲜的餐前包, 值得一赞!!忌廉汤: 好差, 完全系饮唔出系南瓜味还是甘荀味, 而且唔知系咪煮得太耐还是个汤煲有问题, 饮了几口后, 竟然有粒黑色的物体浮上了汤面主菜: 铁
以前系中学的年代的时候, 我就已经听闻过观塘康宁道开咗间椰林阁, 但一直都冇咩机会去试,
其后系好多不同的地方试过椰林阁的食物, 都总是觉得不论食物和服务人员的服务水平都好似冇咗𠮶股"Heart" 咁, 死气沉沉,
自此之后𠮶几年都冇再去光顾椰林阁呢间餐厅.........
隔咗几年后的昨日下午, 我和女友二人啱啱行完APM后出嚟, 正打算揾一间环境比较舒服的餐厅坐下来, 好好的享受著我们的晚餐。
于是我就看见了呢间餐厅出现系我面前, 于是我哋就走咗入去了。
当我哋到了餐厅正门的时候,发现啲装潢靓咗好多, 灯光好柔和, 而且播著英文歌, 整个气氛都唔错~
坐低咗之后,我系叫咗order后, 即刻叫咗两杯水俾我哋两个人解渴。
我哋叫咗两个地板餐, 虽然价钱都唔平, 但是个卖相亦都几好, 于曷就试下~
个套餐的内容如下:头盘:
餐包: 非常够热和软熟, 好新鲜, 系我近年来食过最新鲜的餐前包, 值得一赞!!
忌廉汤: 好差, 完全系饮唔出系南瓜味还是甘荀味, 而且唔知系咪煮得太耐还是个汤煲有问题, 饮了几口后, 竟然有粒黑色的物体浮上了汤面
主菜:铁板大啡茹伴一口牛肋肉伴黑松露菌酱: 当时我叫咗配饭, 但上菜的时候, 铁板的热力却将啲酱汁弹到同围都系, 而且当我拨开那个炒饭的时候, 发现饭心根本都唔够热, 什至有啲涷涷哋; 而我女友则要配薯菜,但最后却俾咗薯蓉球
服务:
这是令我们最感到愤怒的地方。
1. Reception 冇人带位: 已经系晚市了, 但门口Reception冇人企系度做知客;
2. 明知冇水俾客人, 但又冇向客人做口头饮品推介: 睇到个餐牌写住「为了悭水, 所以唔会主动提供食水俾客人」的字眼, Well~ 咁姐系公司想我哋呢啲客人叫多啲特色饮品啦~! 不过点解冇侍应向我哋做口头suggest drink selling 嘅?
3. 侍应三五成群咁挂住吹水睇劲歌, 妄顾客人的安全: 成班楼面侍应好似系度游魂咁, 不但骤聚集一堆系门口Section𠮶边睇「劲歌金曲」, 仲要觉得唔够大声, 走去开大声啲; 仲有挂住系度吹水, 其中有一个男侍应唔知系咪因为赶住睇阿Gem唱新歌, 不但搞到自己将我女友那份主菜上咗俾隔离台的客人, 俾啲Senior话完佢之后, 就系隔离台拿返𠮶份铁板, 然后求其咁扔喺张台边, 其冇放正系客人的面前, 又唔提醒我女友要「小心热」, 跟住就走咗去。
4. 客人未食完又唔问, 强行想收走客人的食物: 当时我女友仲有几粒牛肋肉未食完, 但个男侍应好似睇唔到咁, 一手伸埋嚟就想妖咗我女友的食物, 跟住我女友就怒目相向咁瞪咗佢一眼后, 佢先知道咩事.......
5. 埋单要埋N年: 本身已食到一肚气, 我女友已经好想发作, 但都一直俾我按抚著。点知当我叫埋单的时候, 等咗起码6~7分钟都未有人俾单我埋, 于是我就再叫(当时我见到佢哋系度吹紧水, 完全都冇咩点理啲客),
总之啲服务真系睇到我眼火爆, 于是我趁个Supervisor走埋嚟帮我埋单的时候, 狠狠咁插咗佢几嘢, 虽然唔系佢错, 但是做细的犯下呢啲咁低级的错误, 做Supervisor或经理的都唔出声管束佢哋, 仲要同埋佢哋一齐癫, 受靶就一定架啦。希望呢间嘢真系要痛定思痛, 就算日后个市几静都好, 有客人系度就始终系有客人, 做得supervisor的, 就要知到分寸, 唔好好似俾啲客人觉得去咗金山郊野公园野餐咁.........同埋电视应该拆咗佢, 等啲员工可以专心做嘢, 提供更好的服务俾客人。
张贴
