影片
更多
2013-07-22
448 浏览
买咗团购 ，今日去荣华换金砖酥。去到见到有很多味道，每件都系独立包装，都几细件，特价$6.50/件(原价$10/件)。一心想拣完味道至拎出coupon ，点知个店员问我系咪用coupon嘅 ，如果系就冇得选择，因为已经定咗味道！每张coupon有5款味道，凤梨/蛋黄凤梨/蓝梅/冬蓉/南枣, 每款各1件。 哗！当个店员拉开柜桶，一袋袋用背心胶袋包住，好似梅菜咁拎出嚟打开比我睇，当时真系唔开胃呀！！ 心想..... 就算fix咗d味道都包靓少少啦，好似街市买菜咁！况且，买咗2张价值$40嘅团购，换嚟系2袋寒寒酸酸嘅饼仔！早知买2件东海棠嘅北海道芝士饼算啦！返到屋企，就当然试试味道啦！ 凤梨：即是凤梨酥。虽然不太甜，但菠萝馅味道好淡, 唔多突出，加上外皮牛油味嘅太浓又太淋，所以一咬散哂，味道如食淋咗嘅牛油曲奇一样!蛋黄凤梨：都系如凤梨酥味道，只有多少少咸蛋黄粒，外皮都系一样，牛油味太浓又太淋！蓝莓：d饼嘅外皮牛油味实在太浓又太淋 ，蓝梅馅嘅味都唔系太突出，所以食落口只觉有劲浓嘅牛油味!纯冬蓉：从来冇想过会要呢只味，加上劲浓嘅牛油味外皮... 但冇办法冇得拣！不过，应该唔会试直至过期算数！无
买咗团购 ，今日去荣华换金砖酥。去到见到有很多味道，每件都系独立包装，都几细件，特价$6.50/件(原价$10/件)。
一心想拣完味道至拎出coupon ，点知个店员问我系咪用coupon嘅 ，如果系就冇得选择，因为已经定咗味道！每张coupon有5款味道，凤梨/蛋黄凤梨/蓝梅/冬蓉/南枣, 每款各1件。
哗！当个店员拉开柜桶，一袋袋用背心胶袋包住，好似梅菜咁拎出嚟打开比我睇，当时真系唔开胃呀！！
心想..... 就算fix咗d味道都包靓少少啦，好似街市买菜咁！况且，买咗2张价值$40嘅团购，换嚟系2袋寒寒酸酸嘅饼仔！
早知买2件东海棠嘅北海道芝士饼算啦！
返到屋企，就当然试试味道啦！
凤梨：即是凤梨酥。虽然不太甜，但菠萝馅味道好淡, 唔多突出，加上外皮牛油味嘅太浓又太淋，所以一咬散哂，味道如食淋咗嘅牛油曲奇一样!
蛋黄凤梨：都系如凤梨酥味道，只有多少少咸蛋黄粒，外皮都系一样，牛油味太浓又太淋！
蓝莓：d饼嘅外皮牛油味实在太浓又太淋 ，蓝梅馅嘅味都唔系太突出，所以食落口只觉有劲浓嘅牛油味!
纯冬蓉：从来冇想过会要呢只味，加上劲浓嘅牛油味外皮... 但冇办法冇得拣！不过，应该唔会试直至过期算数！无奈！
南枣：好抗拒南枣, 都系冇想过会要呢只味，但冇办法冇得拣！所以都系应该唔会试, 直至过期算数！无奈！
除咗食惯荣华嘅腊肠，今次系第一次食佢嘅金砖酥，不过, 都唔好食嘅, 又唔算平, 下次唔会再买啰！
如果为咗食凤梨酥，我宁愿到超市买盒台湾产品，味道好d又抵，更加唔使揪住两袋梅菜咁！
张贴
