金竹苑中菜廳 (已結業)

听朋友讲，呢间食中菜好好食，一于去试下。一入去已经到见好多明星...相系左手边，睇黎系度食饭都会撞到好多明星😛😛我同朋友两个人食饭，叫左三个菜。避风塘濑尿虾 睇落好似系一整只濑尿虾，夹起黎先知系已经炸好左一块块，好似一件件麦乐鸡。咬落去，好明显地虾肉无被炸粉痴实，仲好juicy!! 超中意食呢碟！水准比得上好多出名既酒店。天妇罗元贝卖相好特别，而且元贝既size好大粒，粉好薄，炸到脆卜卜。开头以为炸元贝应该会炸到无哂汁，好彩元贝本身好新鲜，所以都系好好食。仲有个鱼煲都大赞，平时既我唔太中意食鱼。估唔到佢征服左我！因为鱼啖啖肉之余，非常入味，好似食紧软淋淋既棉花糖咁！我地两个人竟然食哂呢个鱼煲。