華香雞 (已結業)

华香鸡呢个名以前个名响当当系老字号，不过自从禽流感出现，啲分店就越来越少，而且随着舖租嘅飙升，经营越嚟越困难，品质开始就走下坡，冇办法保留原本嘅味道，昔日的光辉不再。不过听讲而家老板想重振雄风，咁博士我就去佢新开嘅湾仔店，用我嘅金舌头试一试味。听讲嚟自华泰农场所养嘅一级靓鸡，好讲究咁，鸡肉质素有返咁上下，仲用秘制嘅方法烹制， 所以可以做多啲肉特别有口感，而且仲研发左唔同口味嘅鸡。今次我博士就试咗两款，一款系比较有特色嘅乌龙茶，令一款系招牌嘅华香鸡，即系白切鸡。🫰双拼半只: 招牌华香鸡+乌龙茶香鸡 $118🫰另加老火汤 $15🫰浓鸡汤枝竹菜煲配白菜 $60白卤水所烹煮嘅华香鸡，另一款用上乌龙茶叶同埋酱油所熏制嘅茶香鸡。博士我一睇啲骨就知道系选用新鲜嘅鸡，个鸡皮系几薄，而且都几嫩，咸咸甜甜咁嘅鲜味。乌龙茶鸡嘅烟熏味就几浓嘅， 茶香啊都突出，而且色都几均匀，鸡皮下呢都有啲啫喱，鸡肉浸到啱啱好，又饱满又柔润，再加上大量嘅姜葱，茶香味出。仲有唔好漏咗个鸡汤，其实都好清甜，蔬菜都几多，汤味好浓郁系健康之选。