影片
更多
2009-03-29
2 浏览
今日同妈咪出开鲗鱼涌，食饭时间系妈咪十分坚持返黎encore，好!我都好听话既~ 三点去到，唔洗排队汲取上次教训，今次唔敢叫两个set...因为一定食唔哂，于是叫返炸鸡扒饭+冷乔麦面餐($70)同豆腐小鱼沙律($40) 叫炸鸡扒饭+冷乔麦面餐系因为妈咪想食d菜丝，我又想试乔麦面，呢个系最好既选择，不过盒装乌冬/乔麦面散叫都系$25~可以接受啦 一坐底就有玄米茶饮，好香玄米味，我饮左好多杯呀~ 点完餐就等食啦~呢个时候惊喜黎啦!原来呢个时间叫set系有餐饮同雪糕送架~之前都冇听过，个姐姐一口气话：奶茶咖啡柠茶柠水汽水任拣~个感觉十分茶餐厅，而我又神推鬼own系日本餐厅叫左冻奶茶...... 等左一阵冻奶茶先上，果然色水好淡，味道都好淡，饮左两啖既结论系用玄米茶冲既......健康d挂...不过冇左港式既香浓幼滑... 之后乔麦面先上~同上次一样，d面、杯同冷面汁都系雪冻左既，不过d乔麦面冇乌冬咁好食......太硬而冇弹性，水准都合格既 再黎系妈咪既炸鸡扒饭，鸡扒即炸既~食既时候出烟觉得今次进步左，个粉浆冇散开~但系个点鸡既醤真系好咸好浓，改良一下会更好!菜丝同白饭都好正~珍珠米好好咬
三点去到，唔洗排队汲取上次教训，今次唔敢叫两个set...因为一定食唔哂，于是叫返炸鸡扒饭+冷乔麦面餐($70)同豆腐小鱼沙律($40)
叫炸鸡扒饭+冷乔麦面餐系因为妈咪想食d菜丝，我又想试乔麦面，呢个系最好既选择，不过盒装乌冬/乔麦面散叫都系$25~可以接受啦
一坐底就有玄米茶饮，好香玄米味，我饮左好多杯呀~
点完餐就等食啦~呢个时候惊喜黎啦!原来呢个时间叫set系有餐饮同雪糕送架~之前都冇听过，个姐姐一口气话：奶茶咖啡柠茶柠水汽水任拣~个感觉十分茶餐厅，而我又神推鬼own系日本餐厅叫左冻奶茶......
等左一阵冻奶茶先上，果然色水好淡，味道都好淡，饮左两啖既结论系用玄米茶冲既......健康d挂...不过冇左港式既香浓幼滑...
之后乔麦面先上~同上次一样，d面、杯同冷面汁都系雪冻左既，不过d乔麦面冇乌冬咁好食......太硬而冇弹性，水准都合格既
再黎系妈咪既炸鸡扒饭，鸡扒即炸既~食既时候出烟觉得今次进步左，个粉浆冇散开~但系个点鸡既醤真系好咸好浓，改良一下会更好!菜丝同白饭都好正~珍珠米好好咬
到我既豆腐小鱼沙律，四十蚊黎讲分量唔算细，d豆腐好似豆腐花咁一片片舖o系面~仲有好多海带、生菜，芝麻同鱼仔~加埋个醋汁好好食呀! d豆腐同自己买o个d真系有d分别，凉浸浸滑落喉咙既感觉好正!食食下先知个底都有炸鸡饭既菜丝，妈咪抢埋黎食呀
最后就食埋雪糕，有咖啡、朱古力同盐味，当然要最特别既盐味啦~虽然系赠品，但系卖相一d都唔马虎，用只木匙仔刮下刮下d雪糕好得意~味道真系有少少咸，质感唔系太重奶味，似以前meiji既豆腐雪糕，见menu上面佢地云喱拿同抹茶雪糕系自家制同埋$7咋，唔知呢个系咪都系自己整既呢?
埋单加一都系$121，但系我地都好饱啦~今日冇咩人可以慢慢坐，但好奇怪成餐饭都有蚊滋飞黎飞去...好烦呀佢...
虽然好多餐厅都因为金融海啸而减价/送野...今次呢个我都估佢唔到.......希望d餐厅做得住啦...
张贴
