金記冰室 (黃大仙中心南館) (已結業)

见到金记冰室系黄大仙新开分店，而且都好多人食，今晚一于来试下金记冰室的小菜。好好彩坐到类似卡位的位置，竟然有个位可以俾人差电，相当实用体贴。餐牌选择都唔算少，另有扒餐同咖喱等可选择。中汤 - 比较重味精，但味道唔错。海南鸡套餐- 海南鸡全部都系鸡胸，而且鸡胸肉又硬又干，真系唔抵食。清炒白菜仔 - 白菜仔分量好少下，味道不过不失。京都肉排 - 肉排落得太多松肉粉，冇左应有的鲜味；酱汁味道偏酸，菠萝味道唔错。热菜蜜 - 通常茶餐厅用DD厚身杯特别够热同好饮，果然冇令我地失望，热菜蜜好清甜，而另一杯热柠水都好饮。整体而言，价钱都唔平，其实饭的分量都几多下，但就同小菜的分量成左反比。味道来讲小菜质素麻麻地，反而饮品几好饮，下次可以试下D扒餐，应该会好过D小菜。