金記冰室 (康怡廣場北座)

营业中

休息中

冰室系香港人嘅集体回忆，悠久嘅老店越嚟越少，有45年历史嘅筲箕湾金记冰室好彩可以传承落去。由西营盘重开后，跟其中开到去太古嘅康怡花园，趁着lunch Time同A姐去试试！无骨海南鸡配油饭海南鸡饭仲配有汤同饮品，够晒丰富。而鸡已经去骨，啖啖肉又够滑。平时嘅海南鸡饭有三种调味料，呢度就有姜蓉同甜豉油。比较少见嘅仲有花生，而油饭方面，好彩唔算太油腻，都算唔错。干炒牛河上枱已经见到出晒烟，食落够晒镬气，河粉够滑溜，牛肉软腍，仲有爽口嘅芽菜，口感一流，系冰室必点嘅食物。金粒西多配棉花糖嚟冰室又点少得西多？西多炸到金黄色，热辣辣好香脆，加埋炼奶一齐食，好滋味。但更邪恶嘅就系棉花糖啊！红豆冰红豆冰系去冰室嘅另一推介，呢杯红豆冰有大量红豆，红豆蓉同红豆粒嘅比例啱啱好，好有层次，够晒口感。