金記冰室 (已結業)

平时晏昼食饭，都会去下金记冰室，因为价钱合理，分量十足。今晚亦都拣咗喺金记冰室买外卖返屋企，今晚首先买咗两个晚市套餐，一个系越式鲜菠萝炆滑鸡，亦都系非常足料嫩滑嘅鸡，同埋味道突出嘅菠萝。另外亦都叫咗一个潮式黄花鱼，系蒸鱼嚟嘅。套餐可以转特饮，所以就拣咗佢哋两款清润花果特饮，一个系桂花苹果，一个系玫瑰火龙果。两个都唔错，特别推介桂花苹果。之后再叫一个我次次去金记冰室都会食嘅咖喱牛舌意粉，厚厚嘅牛舌，加上唔会太辣嘅咖喱，送饭特别开胃。呢个餐就配左棉滑蛋白杏仁茶，好好滋润一下。