金記冰室 (已結業)

恩人去年诞下羊女，坐月后已成功收身 ，周五有空即相约小肥午聚。为方便大家返工，地点就拣喺两人公司中间o既「金记冰室」。「金记冰室」不但招牌用上金漆打造 ，原来历史仲好悠久添，详情可于店子墙上o既相片及叙述睇到。冰室用上o既装饰似乎都属于小肥出世前o既年代，如浴盆、金盆、玩具波波等，喺电视电影中可能会见过，实物都系第一次见 。造成乒乓波拍形o既散叫餐牌好有特色。为节省时间，午饭时间当然系叫返精选午餐安全啲啦 ！一如其他港式冰室及茶餐厅般，餐具全为自助式。套餐包有餐汤，可选例汤或罗宋汤。是日中汤为「莲藕汤」，味道甜浓，冰室货式尚算合格。另送热饮一杯，连只杯都带有怀旧味，睇得出有花过心思 。细佬所拣o既斋啡热辣甘香 ，意外地好好饮！恩人点咗个照烧汁鸡扒饭（$42）。 冬菇蒸肉饼饭（$41）：XO仔叫o既蒸肉饼清甜松软，而且一啲都唔肥腻，够味得黎食落好健康，属高水准之作 ，$41真系抵食呀！与恩人首次光临「金记冰室」，二人对其美味o既午餐都非常满意，亦抱有惊喜，老店金漆招牌果真坚过石坚 ！