新沙洞大排檔 (好順景大廈1座) (已結業)

声称韩国嘢，无一样还原到韩国啲嘢食，老实讲俾尽你系自创派系！真心唔明啲好评点返黎，掉咗几钱做宣传。贵得嚟好食都心甘命底，想生存不如俾啲心机落啲菜式，如果有人真系要黎食，100个劝喻你食返M记。唔好再睇啲所谓好评，永世Black List!!!!!!呀老板你自己有无食过你铺头啲嘢架？黑毛猪又靭，5粒，$198（重要话系济洲黑毛猪，我都唔评价坚定流）甜辣炸鸡，半份，算大粒既算合理$88（港式甜酱冰鲜鸡）泡菜猪肉豆腐汤，$118，唔讲唔知我以为豆腐而家系卖紧海鲜价，手指尾指甲半截都无，数埋都无十粒呀！海鲜煎饼$108，真系要重点讲，全餐最谷气，你炸油池都拎过黎摆既？你翻炸都炸返热俾我啦，都唔求你多海鲜，一粒仔八爪鱼既辣猪肉紫菜包饭$118 ，哗，我地食哂先黎，韩国既紫菜包饭真系旧饭真系系白饭？你肯定？我真系唔知食咗啲咩落肚，你地好成功破坏咗人类对韩国野食既认知。