一魚 (已結業)

朋友系和记大厦返工, 前排约左放工睇戏。谂住睇戏前先食饭,但系唔想同人逼, 朋友话佢公司楼下有间寿司小店, 一直都想试, 结果就去左……这店叫一鱼。店面以木色为主, 有十个位左右, 我地去既时间仲有位. 右边系寿司柜俾人自己攞盘拣完俾钱。(6点后有8折!) 见到佢都有几多三文鱼款, 结果心大心细拣左个鱼生饭食。个鱼生饭都几丰富, 肉质都算烟韧弹牙, 配埋青瓜好清新丫。店员话乌冬系新产品,朋友就叫黎试下, 又拣左盒加州卷。朋友话个乌冬口感烟韧, 清清地几好食, 都系$10。加州卷份量十足,折左都系二十一蚊到,都算几抵!有日本同韩国既汽水拣 ($10罐), 我拣左白提子汁, 都几香甜。 朋友听店员推介拣左绿茶，味道唔错。