金饍韓國料理 (已結業)

今日lunch又去左揾辉哥攞野，闷闷地一个人想食餐好既，听老公介绍去左北京道一号食韩国野，金饍。去到都多人等紧，我一个人易揾位d，等左15分钟左右就有位，餐厅设计唔错，店员都有礼貌，望下Menu都唔系好贵，叫左个烤杂锦肉Set，杂锦肉有牛，猪，鸡。呢个Set系铁板上，要小心热，食前仲有三小碟，泡菜唔多辣，麻麻地，餐汤感觉都多味精，重点还是放在烤肉啦，除左肉仲有洋葱系底，由于铁板上，系中心位既洋葱已经全熟，好林，但核心的外围就仲系生，烤肉方面，我比较中意食牛，牛肉腌得好入味，而且唔硬，好林，其次就是猪，再来是鸡。猪同鸡其实味道相近，但鸡肉我觉得腌得太Over，超入味，系重型既烧烤酱，我觉得不太好味，下一次还是食烤牛肉较好。