金鳳茶餐廳

营业中

休息中

金凤最出名系菠萝包，但我偷听到排队嘅人讲，鸡批、蛋挞都唔错。茶记都系主打快食快走，金凤属于正常速度啦！*特价午餐 $55雪菜肉丝米粉：斋米粉少汤配雪菜肉丝。肉丝有咬口肉感，雪菜又唔会太咸，但米粉索唔到味，变咗捞面咁款。大多数人都系叫沙嗲牛肉公仔面，可惜我唔食牛。煎双蛋：师傅要时间煎，所以最迟上。啱啱好煎到有半熟蛋黄浆。*菠萝包 (鲜油+$5)最快上，菠萝包身有牛油香、蛋香，头一两啖有少少酸味，质感扎实而湿软，绝唔会系空气包。菠萝皮有相对厚度，香甜酥脆。中间夹住牛油块，但好可惜菠萝包系冻嘅，冇热包冻牛油嘅对比🥲虽然系冻，但都好食，如果系热嘅会更好！*热奶茶：奶茶薄身，入口顺滑，但淡奶、茶底未够香。