金鶴拉麵 (利民大廈)

营业中

休息中

之前食过中环店，觉得几好味，见佢喺旺角开左新店，就去支持下。我放工去到，谂住6点半都算早，入到去见到原来已经有好多人食紧，睇黎旺角店都几旺～拉面店一贯黑色风格，有一排2人座位，另一边有多人卡位，人多人少黎食都无问题。如果唔想堂食, 都可以外卖自取。北海道。蟹汤拉面 $138我钟意食呢碗拉面，汤底用上北海道直送花咲蟹汤，厚滑浓郁而不油腻，边食面边饮汤，个人暖粒粒。拉面有一大堆蟹肉喺中间，仲有一大块叉烧，加上半只唐心蛋和两大块紫菜，成碗面食晒其实系好饱肚架！盐味拉面 $88呢个汤底比蟹汤拉面清，用上北海道函馆盐味汤底配鲣鱼高汤。如果想要个温和啲既汤底，呢款盐味拉面系一个唔错既选择。拉面有一大块叉烧，仲有两块鸡肉，半只唐心蛋和两大块紫菜，好丰富！明太子鸡翼 $48鸡翼烧烤得香喷喷，入面既明太子辣辣地，几野味。