金鶴拉麵 (蜆殼街)

营业中

休息中

第一次黎到位于天后既金鹤拉面，当然要试下佢既招牌啦。个招牌拉面印喺set lunch menu 上，叫金鹤鸡白汤拉面。加少少钱就可以拥有其中几款小食，但系我冇加到。由于做紧会员优惠，所以新登记嘅会员只要出示QR code就有免费一罐可乐。身边嘅朋友反而叫咗一份炸鸡，庆幸我都可以识到。热辣辣嘅唐扬炸鸡，浸落少少面汤再食一啖，外脆内软嘅鸡有着鸡汤嘅鲜味。咁既食法真系令人回味无穷。个拉面等咗差唔多15分钟就已经上枱。拉面上面有大量加牛蒡做装饰。脆卜卜既牛蒡浸落汤度比起斋食更加好味。面中间有两块鸡胸同埋好大块嘅叉烧。我认为叉烧系肥瘦适中。比其他拉面店嘅叉烧切得更加薄，但系好大块。两块鸡胸比较嫩滑，一咬落去系食到好淋嘅口感。面中间有糖心蛋，一啖面配一啖糖心蛋真系好正。鸡汤其实比较浓稠，饮太多会觉得比较肥腻。总括嚟讲，人均$100嘅拉面店呢一间算系超高水准，值再三回味。