岩鹽日本料理 (利舞臺廣場) (已結業)

有朋友介绍依间新开既日本餐厅，所以夜晚就过黎试一试。铺头都几大，不过二人位我个人觉得真系有d迫，张枱放两个定食已经无哂位，坐既时候都有少少迫迫地非常岩岩好既感觉。Dinner set都几多选择 寿司有 刺身有 定食都有，价钱都算合理。由于我同朋友都唔喜欢食海胆同生蚝(朋友推介)，所以就决定试釜饭定食，同埋小食：明太子厚烧玉子。个玉子真系好好好食！推介！食落好有层次感，每层玉子唔会煮熟哂一旧熟蛋咁，配埋烧左烧既明太子完全系好夹，明太子既咸味同鲜味令到成个玉子加分！定食套餐有釜饭、细刺身、沙律、味噌糖同饮品。不过釜饭内面既刺身都烧熟了，因为釜边都超级热，剌身唔算好大份，第一啖食真系无咩惊喜，觉得一般，饭煮得几稔，后来食食下加返烧汁同食到里面有粟子，就觉得味道都可以。刺身反而有惊喜，新鲜，食落鲜甜，所以下次可能会试返d寿司剌身set。鳗鱼釜饭，鳗鱼好食😋总结:食物质素可以 剌身同小食出色 釜饭不过不失，系两人位坐得唔算好舒服。