釜之魂釜飯專門店 (淘大商場) (已結業)

最近先真正了解到釜饭是日本传统锅饭，类似我哋香港煲仔饭，首先将白米，高汤和食材放进锅，猛火加细火慢煮至没有水蒸气，再用真空原理冚盖焖煮而成。朋友介绍咗系九龙湾淘大花园有间釜饭专门店，咁一于来试吓啦。今次两个人叫咗汁烧牛肉釜饭，金魂(极，鱼腩部分)蒲烧釜饭，脏脏炸香蕉及吉列牛舌。其中一个加18蚊转为套餐，咁就有埋前菜，面豉汤及一杯饮品，前菜是腌萝卜，卜卜脆，口感佳，份量略为少啲，如果多啲啲就好喇。面豉汤内有豆腐，海带，汤味浓郁都几好饮，其实讲真好少会话面豉汤好饮吖。柚子蜜也不错，不会太甜。汁烧牛肉釜饭的饭嘅份量唔少，烟烟韧韧之余亦粒粒分明，牛肉粒份量也比想像中多好多，有牛肉味又不会韧，正重头戏鳗鱼亦没有令我哋失望，大大旧鱼腩烧到甘香，更有免费鳗鱼汁添加，实在太好喇。吉列牛舌，粉桨不会过多。脏脏炸香蕉第一次试，口感特别，下次再试真啲。