影片
更多
2017-08-30
497 浏览
食过鉄人旨花嘅omakase觉得唔错，呢次就嚟试试佢哋嘅铁板烧。同上次嚟相比，环境无大改变，都系分咗omakase同铁板烧两个区域，另外仲有啲独立房。日式铁板烧系食客围住半圆形铁板烧台而坐，师傅就企晌另一边中间位烹调食物。我觉得食omakase同铁板烧，除咗享受美食之外，欣赏师傅处理食物嘅过程亦系重点之一。所以除非同行人数比较多或其他原因，如果唔系坐寿司吧或铁板烧台真系会开心啲。当晚有几款套餐，我哋就拣咗伊势海老铁板烧二人前。两款前菜，都几开胃。然后，师傅就即席烹调银鳕鱼，佢先将银鳕鱼同樱花叶两面煎香，淋咗西京味噌酱后就用火枪烧呀烧，场面都几壮观。煎过嘅樱花叶薄脆又有少少咸味，几得意。上面啲玫瑰干花瓣传嚟阵阵花香，除咗有点缀作用之外，同鱼肉一齐食就更显清新。海胆汁煮龙虾，师傅将原只龙虾放晌铁板上。稍为煎一下之后，师傅就将龙虾肉同龙虾壳分开处理，同时炒匀牛油同海胆，最后将两者炒匀。龙虾煮得啱啱好，感觉唔错。A5日本产和牛，师傅话呢个系宫崎牛肉嚟，肉味会比较重。煮好之后，连摆盘都一丝不苟。我哋拣咗五成熟，肉质软嫩。师傅仲特登将靠边嘅位置切开分开嚟煎，出嚟嘅效果微焦香脆，一份和牛有两种唔同口
食过鉄人旨花嘅omakase觉得唔错，呢次就嚟试试佢哋嘅铁板烧。同上次嚟相比，环境无大改变，都系分咗omakase同铁板烧两个区域，另外仲有啲独立房。
日式铁板烧系食客围住半圆形铁板烧台而坐，师傅就企晌另一边中间位烹调食物。我觉得食omakase同铁板烧，除咗享受美食之外，欣赏师傅处理食物嘅过程亦系重点之一。所以除非同行人数比较多或其他原因，如果唔系坐寿司吧或铁板烧台真系会开心啲。
当晚有几款套餐，我哋就拣咗伊势海老铁板烧二人前。
两款前菜，都几开胃。
银鳕鱼
14 浏览
0 赞好
0 留言
然后，师傅就即席烹调银鳕鱼，佢先将银鳕鱼同樱花叶两面煎香，淋咗西京味噌酱后就用火枪烧呀烧，场面都几壮观。
银鳕鱼
15 浏览
0 赞好
0 留言
煎过嘅樱花叶薄脆又有少少咸味，几得意。上面啲玫瑰干花瓣传嚟阵阵花香，除咗有点缀作用之外，同鱼肉一齐食就更显清新。
海胆汁煮龙虾，师傅将原只龙虾放晌铁板上。
稍为煎一下之后，师傅就将龙虾肉同龙虾壳分开处理，同时炒匀牛油同海胆，最后将两者炒匀。
龙虾煮得啱啱好，感觉唔错。
A5日本产和牛
10 浏览
0 赞好
0 留言
A5日本产和牛，师傅话呢个系宫崎牛肉嚟，肉味会比较重。
A5日本产和牛
9 浏览
0 赞好
0 留言
煮好之后，连摆盘都一丝不苟。
A5日本产和牛
29 浏览
0 赞好
0 留言
我哋拣咗五成熟，肉质软嫩。师傅仲特登将靠边嘅位置切开分开嚟煎，出嚟嘅效果微焦香脆，一份和牛有两种唔同口感。食完和牛再食食烧过嘅大啡菇、青椒仔同番茄，啱啱好可以中和一下。
炒饭，师傅先将蛋打晌铁板上，同埋米饭一齐炒，同时晌另一边炒其他配料，炒咗一阵之后就将佢哋炒埋一齐。
之后，加埋葱花略炒就完成。
白鱼汤，汤色奶白有鱼香，入面仲有少少切粒豆腐同葱花。
嚟到甜品环节，当晚系番薯豆腐雪糕，表面有唔少番薯粒粒，口感软糯，豆腐雪糕就清清甜甜。
一边食嘢一边睇住师傅晌我哋面前烹调食物再细心装饰，呢啲就系食铁板烧嘅乐趣嚟喇！
（附上影片，openrice要电脑桌面版先可以睇到）
张贴
