花木日本料理 (已結業)

为左补祝母亲节，知道妈咪不嬲最中意就系食日本菜，所以今晚特登揾左一间高级日本餐厅慰劳一下佢，另外当系吊下佢个日本瘾先，因为佢成日都叫我带佢去日本食好野😅，等我得闲我一定会做孝子带佢去既。餐厅装修真系好靓，好有银座区既高级日本菜既感觉，环境真系攞满分，我见佢仲有房间可以提供，一大班人黎食一定好热闹好开心。食物方面绝对衬得起佢个装修，因为我觉得真系全部都劲高质。首先系𩽾𩾌鱼肝作为前菜，好滑好入味，食完好开胃。跟住系花木卷，即系餐厅自创既卷物，用左炸洋葱丝配撘吞拿鱼蓉，炸洋葱丝劲香口惹味，吞拿鱼蓉充满油脂既香口感觉，无论卖相同味道都一流。跟住系花木激安刺身盛，我觉得呢个好抵食，因为加埋有十款时令既刺身，好啱妈咪呢d想食刺身又唔知点叫既人，碟刺身净系望都劲吸引，食落更加系无得顶，每种刺身都劲新鲜，妈咪食得劲开心。跟住叫几款寿司，分别系帆立贝，赤贝，深海池鱼，左口鱼边同埋鳗鱼。帆立贝劲大粒又劲肥美，赤贝好新鲜好爽甜，深海池鱼口感一流，左口鱼边油脂味香浓，鳗鱼寿司条鳗鱼差唔多有手臂咁长，肉够厚又够肥美，好正。最后叫左个烧羊架，个烧羊架好有惊喜，烧得好香，肉质丰富，食到妈咪都话好滋味！